موضوع: سلسلة نكت بلا حدود !!! الأحد 7 أكتوبر 2007 - 0:19
1* واحد الشلح شرا ساعة جديدة , وراها لصاحبو صاحبو : زوينة هاذ المكانة .....واش ديال الماء؟؟؟ الشلح : ديالي قلاك ديال لماء
2*هادو ثلاثة ديال السكايرية كانو سكرانين ف 29 شعبان جا واحد فيهم قال لصحابو شوفونا واش غدا رمضان قالهوم واحد انا نطلع نشوف الهلال.هي هاديك طلع بدا كايقوليهوم ... غدا رمضان لا ماشي غدا رمضان غدا رمضان لا ماشي غدا رمضان غدا رمضان لا ماشي غدا رمضان (كان حاضي الهلال ديال الصيدلية الاخضر)
3*هادا واحد الجن بايدير شهادة السكنى كالو ليه فين ساكن كاليهوم فالحسن مول الحانوت
4*هادا واحد الشلح.عرض على الضياف.وقال ليهم اش بغيتو نسبقو .اتاي ولا العشاء.قالو ليه العشاء. وهو يقول ليهم يلا نوضو توضاو.
5*هذا واحد بغا يشري الحولي مشا للرحبة و قال ليه مول الحوالا اش خاصك الشريف اللي بغيتي موجود عندي و هو يقول ليه هاداك الراجل انا بغيت غير شي حولي بعشرة الاف ريال و هو يقول ليه مول الحوالا واش بغيتي تاكلو هنا و لا تديه معاك
6*واحد الميريكاني جا المغرب هو يتلاقى مع واحد المغربي قال ليه انا جيت المغرب حيت سمعت عليه بأنه هو الشعب اللي عايق في العالم وجيت باش نشوف شكون اللي عايق وفايق بزااااف واش المغاربة ولا الميريكانيين قال ليه المغربي صافي مشات مشاو جلسو في واحد القهوة وهو الميريكاني قال المغربي تسنا شوف اش غاندير عيط على الكارسون مين جا عندو قال ليه جيب لي قهيوة غي الكارسون دار هو يتكا ليه على البزيطيم قال للمغربي اش ضهر ليك الميريكانيين واعرين ولا لا هو يقول ليه المغربي تسنا شوف اش غاندير هو المغربي يعيط على الكارسون مين جا عندو هو يقول ليه هاد الميريكاني دا ليك البزطام هو يشد ليك هدا الكارسون في المريكاني بقى يبوط فيه حتى رجع ليه ضهرو رطب من كرشو وهو يقول ليه المغربي دابا شكون هو اعيق شعب في العالم؟ هههههههههههه
7*]واحد الشلح فتح لحانوتة ديالو بصباح , هي تجيه سكتة قلبية ...علاش؟؟؟؟؟ حيت نسا ضو شاعل لبارح
8*واحد الشلح حلم راسو طاحت ليه 100 درهم في المنام ,, 3 ايام هو ناعس كيقلب عليها ههههههههههه
9*واحد كياكل بلا مايقول بسم الله... واحد نهار كال كسكس بالحرور... وهوا يهز مونادا باردا .. وقال للشيطان ودابا شوف باش تبرد ...
10*هذا واحد الاستاذ سول التلاميذ ديالو قال ليهم اشنو هو اقرب كوكب للارض و هو ينوض واحد الدري و هو يقول ليه الكوكب المراكشي
11*بخيل مشا يصاوب فم. قال لصانع الاسنان بشحال غادي يتقام علي.قاليه النابdh10 الضرسة 30 السنة 20 درهم و الفلجة فابور. قاليه البخيل دير شي 6 ديال النياب و كتر من الفلاجي
عالم الترفيه
الأحد 7 أكتوبر 2007 - 0:19